بعد الارتفاع الملحوظ فى سعر عملة البيتكوين مع بداية شهر ديسمبر 2017, جذبت البيتكوين إنتباه الكثير من كبار وصغار المستثمرين, ولأن تعدين البيتكوين هو الطريقة الصعبة للحصول على البيتكوين خاصة للغير مهتمين بالتكنولوجيا, او صغار المستثمرين الغير قادرين على بناء Mining Rig مُربحة لتعدين البيتكوين او غيرها من العملات, اصبح التعدين السحابى Cloud Mining هو افضل الحلول واسهلها للحصول على البيتكوين وغيرها من العملات الرقمية.
فى هذا الموضوع سيتم توضيح موقع هاش فلير Hashflare, مميزاته, عيوبه, خطوات التسجيل فى الموقع, شرح طريقة شراء عقد تعدين من موقع هاش فلير بالصور وفى نهاية الموضوع سيتم إعطاء بعض النصائح قبل البدء فى موقع هاش فلير وكيفية الحصول على اقصى ربح مضمون والمزيد من المعلومات الهامة حول الاستثمار فى التعدين السحابى بشكل عام والاستثمار فى موقع هاش فلير بشكل خاص.
ما هو موقع Hashflare.io؟
هاش فلير هو جزء من شركة Hashcoins وهى شركة تقوم بتصنيع ,Hardware للتعدين مثل أجهزة الـ ASIC Miner, وتعمل منذ 2013 ولكن مع بداية 2015 اوقفت البيع للمستهلكين ,B2C واصبح تركيزهم على تزويد موقع هاش فلير بكل ما يحتاج اليه من هاردوير للتعدين.
يعد موقع هاش فلير واحد من اكبر واشهر مواقع التعدين السحابى Cloud Mining, حيث يوفر خدمة شراء عقود سنوية لتعدين العملات الرقمية وعلى رأسهم تعدين البيتكوين, وتعدين الإيثيريوم بأفضل الاسعار وأعلى عائد أرباح.
مميزات موقع هاش فلير Hashflare
مميزات موقع هاش فلير تجعله من افضل مواقع التعدين السحابى حاليا, وسأطرح عليكم بعض من مميزات الموقع:
– المصداقية
موقع هاش فلير اثبت مصداقيته على مدار اكثر من 3 سنين متتاليين, فلا يوجد داعى للقلق من مصداقية الموقع
– خدمة السحب اليومى
تستطيع سحب رصيدك Withdraw كل 24 ساعة طالما تجاوز الحد الأدنى للسحب وهو 0.01 بيتكوين ( يرجى العلم ان الحد الادنى للسحب غير ثابت ويتغير من وقت لآخر )
– تغيير الـ Mining Pools
بكل سهولة يمكنك التغيير يوميا بين كل Mining Pool حسب الاعلى ربحأ, فلا يجبرك الموقع على اختيار Pool محدد
الـ Mining Pool او التعدين الجماعى هو مجموعة من المُعدنين Miners الذين يعملون معا لتعدين عملة البيتكوين
– الارباح تبدأ بعد اشتراكك بـ 24 ساعة فقط!
يحتاج الموقع 24 ساعة فقط لبداية جنى ارباح العقد, بعكس مواقع تعدين سحابى كبيرة مثل Genesis Mining الذى قد تصل فيه مدة بداية العقد الى شهور فى الوقت الحالى!
– إستثمار مضمون ومناسب لكل فئات المستثمرين
يمكنك البدء بمبالغ قليلة جدا فى حالة اردت تجربة الموقع فقط, ولكن هذه المبالغ لن تساعدك فى جنى الارباح فيجب وضع هذا فى الاعتبار قبل البدء فى استثمار دولار واحد.
فى نهاية الموضوع يوجد ملاحظات قبل البدء فى الاستثمار فى التعدين السحابى وبالتحديد موقع هاش فلير, برجاء قراءتها بعناية شديدة!
– الحماية والآمان
فى حالة القيام بعملية تغيير فى بيانات حسابك, يقوم الموقع بشكل اوتوماتيكى بوقف السحب لمدة 14 يوم متتاليين, للحفاظ على حسابك واموالك.
ويمكنك ايضا تفعيل خاصية الـ Two-Factor Authentication لتأمين حسابك.
– سهولة التعامل مع لوحة التحكم
يتميز الموقع بسهولة لوحة التحكم ووضوحها لجميع المستخدمين
عيوب موقع هاش فلير Hashflare
لا شك فى ان موقع هاش فلير له بعض العيوب, ولكنها لا تُقارن بمميزاته وهذا هو سبب ثقة المستخدمين فيه الى الآن, ومن اهم العيوب:
خصم عمولة فى حالة الدفع عن طريق التحويل البنكى Wire Transfer
فى حالة القبام بالدفع عن طريق التحويل البنكى, سيتم خصم عمولة على العمليات التى تقوم بها
تكاليف الصيانة فى تعدين البيتكوين والـ LiteCoins
تكاليف الصيانة والكهرباء فى تعدين عملة البيتكوين هى 0.0035 دولار لكل 10 جيجا هاش, اى 0.35 دولار لكل تيرا هاش, وبالنسبة لتعدين الـ LiteCoins تكون تكلفة الصيانة والكهرباء 0.005 دولار لكل 1 ميجا هاش.
فى حين أن تعدين عملة الإيثيريوم لا يكلفك اى مصاريف كهرباء او صيانة.
خطوات التسجيل فى موقع هاش فلير Hashflare
التسجيل بسيط جدا وهذه تعتبر من اهم مميزات الموقع, كل ما عليك هو:
– قم بالدخول الى الموقع الرسمى
– اضعط على Register وقم بملىء البيانات المطلوبة:
– تم التسجيل, وسيتم تحويلك الى لوحة التحكم
سوف تستلم رسالة على بريدك الالكترونى بعد تحويلك الى لوحة التحكم, لا تنسى تأكيد تسجيل الحساب
كيفية شراء عقوم تعدين على موقع هاش فلير Hashflare
قبل شراء عقد تعدين, يجب تحديد نوع العملة الرقمية المراد تعدينها.
العملات المتاحة حاليا على موقع هاش فلير
– BitCoins وتعمل على Algorithm يسمى SHA-256
– Ethereum وتعمل على Algorithm يسمى ETHASH
– LiteCoins وتعمل على Algorithm يسمى Scrypt
– ZCash وتعمل على Algorithm يسمى EQUIHASH
فيجب تحديد العملة المراد تعدينها, وتختلف الاسعار بإختلاف الالجورزم المطلوب.
لمعرفة الاسعار الخاصة بتعدين كل عملة برجاء زيارة موقع هاش فلير ثم الذهاب الى Pricing من القائمة الرئيسية
طريقة شراء عقد تعدين بالصور
– قم بالضغط على Buy Hashrate من لوحة التحكم
– اختار الالجورزم المطلوب تعدينه, زى ما وضحنا فوق كل عملة والالجورزم الخاص بيها
– هنقوم بتحديد الهاش باورHash Power وزى ما هتلاحظوا كل ما بتزود الهاش باور بيزود السعر بس طبعا ده بيخليك ترجع فلوسك اسرع
فى المثال الحالى, انا هشترى عقد تعدين بيتكوين 10 تيرا هاش لمدة سنة
– بعد تحديد قيمة الهاش المطلوبة, هنستكمل عملية الشراء بعد الضغط على Proceed
– الجزء ده مهم جدا, فى حالة اذا كان معاك اى كوبون/كود خصم برجاء الضغط على Redeem Code, وبعد ذلك قم بإختيار وسيلة الدفع Select Payment Method
– أغلب المستخدمين فى البداية بيستخدموا الكريدت كارد, ولكن قبل الدفع بالفيزا لازم تعرف إنك مش هتقدر تعمل اى سحب من حسابك لمدة 14 يوم, يعنى حسابك هيبقى Hold لمدة 14 يوم, وهيتم توضيح جزء الـ Account Hold فى آخر الشرح بتفصيل اكتر.
قم بإختيار وسيلة الدفع وقم بإستكمال خطوات الدفع الاعتيادية, فى المثال الحالى هستخدم الدفع بالفيزا:
سيتم تحويلك لصفحة تأكيد بيانات الهاش باور المطلوبة والسعر, بعد التأكيد من البيانات, قم بالموافقة على اتفاقية المستخدم ثم اضغط على Confirm لإستكمال عملية الشراء
– وبعدها تقوم بكتابة بيانات الفيزا الخاصة بك ثم تضغط على Pay
– سيتم إرسال كود على الموبايل الخاص بك للتأكد من ملكيتك للفيزا, بعد كتابة الكود سيتم تحويلك لموقع Hashflare مرة اخرى وستظهر لك رسالة تأكيد عملية الشراء
– فاضل خطوة اخيرة; هندخل على History من القائمة وفى جدول المشتريات Purchases , هنلاحظ ان العملية ما زالت Pending, هنضغط على Continue
– هيتم تحويلك لصفحة مطلوب منك فيها تكتب رقم تأكيدى هيتبعتلك على الموبايل, بعد كتابة الرقم التأكيدى للعملية هنرجع لقائمة History, وهنلاحظ ان العملية دلوقتى اتغيرت لـ Processed:
وكدة عملية الشراء خلصت, وهتبدأ تاخد اول فلوس ليك على موقع هاش فلير بعد 24 ساعة!
إزاى استلم فلوسى من موقع Hashflare
– قم بالدخول الى لوحة التحكم
– ثم الضغط على Settings من القائمة الجانبية
– وبعدها, قم بكتابة عنوان محفظة البيتكوين الخاصة بك فى المكان المخصص لها, او محفظة الإيثيريوم فى حالة تعدين إيثيريوم:
<= فى حالة عدم امتلاكك محفظة بيتكوين, قم بقراءة شرح طريقة عمل محفظة بيتكوين على موقع BitGo فى 4 خطوات بالصور لإنشاء محفظة بيتكوين فى اسرع وقت
– قم بالرجوع الى الـ Dashboard واضغط Withdraw
– بعد استكمالك لبيانات التحويل الرئيسية سيتم تحويل ارباحك من موقع هاش فلير الى المحفظة المراد التحويل اليها
اسباب تعليق حسابك Account Hold لمدة 14 يوم فى موقع Hashflare
فى الخطوة اللى فاتت بعد إضافة محفظة البيتكوين الخاصة بك, وبعد ما هتيجى تعمل طلب سحب ارباح Withdraw لن تستطيع إتمام العملية لإن حسابك أصبح مُعلق لمدة 14 يوم, وستظهر لك رسالة: “Account Hold”.
والاسباب المؤدية لتعليق حسابك ووقف السحب منه لمدة 14 يوم هى:
- تغيير عنوان المحفظة الخاصة بك على الموقع
- القيام بعملية شراء عن طريق الفيزا ( لو اشتريت عن طريق اى حاجة تانية مش هيتم تعليق الحساب )
- تغيير باسورد الحساب
فى حالة حدوث اى سبب من هذه الاسباب, لن تستطيع طلب سحب اموالك على مدار 14 يوم متتاليين وهذا الاجراء لحماية حسابك من السرقة!
نصائح وتحذيرات هامة قبل البدء فى إستثمار التعدين السحابى
– ابتعد عن الاستثمار بالارقام القليلة جدا. من وجهة نظرى; شراء عقد بأقل من 1 تيرا هاش هيكون الربح ضعيف جدا والمشكلة مش إن الربح هيكون بطىء وقليل, المشكلة الحقيقة هى إنك مش هتقدر تسحب فلوسك قبل الوصول للـ Minimum Payout وده لازم يكون فى الاعتبار قبل شراء هاش باور قليل!
– يجب وضع فى الاعتبار أن صعوبة تعدين البيتكوين تتغير كل اسبوعين وبالتالى الهاش باور يكون اضعف مقارنة بالهاش باور المطلوب لإستخراج نفس القيمة من البيتكوين بعد 6 شهور من دلوقتى!
وعلشان كدة مينفعش تدفع مثلأ 100 دولار على إعتبار إن الموقع هيديك كل يوم حوالى 0.80 دولار لمدة سنة, يعنى حوالى 292 دولار, للأسف مش ده اللى هيحصل, الصعوبة بتزيد, وانت معاك نفس الهاش باور, وبالتالى قيمة البيتكوين اللى بتجيلك كل يوم هتقل!!
– بالرغم من تغيير صعوبة تعدين البيتكوين, ولكن سعر البيتكوين يتغير أيضا, ويتوقع الكثيرون وصول سعر البيتكوين الى 100 الف دولار بحلول 2019, ويُعد هذا من اهم الاسباب التى تجذب المستثمرين للإستثمار فى البيتكوين قبل فوات الآوان!
ويعتبر الارتفاع فى سعر البيتكوين بمثابة ربح إضافى للتعدين, حتى بعد زيادة صعوبة التعدين.
– كلما كان الاستثمار برقم أكبر كلما كان استرجاع رأس المال ROI اسرع بكثير, وهذا من مميزات الاستثمار فى التعدين بشكل عام والتعدين السحابى بشكل خاص
– هذا المقال هو مقال تعليمى وتوضيحى لإعطاءك فكرة عامة عن الموقع, وطريقة الاستثمار فيه, وليس تشجيعك او إبعادك عن الاستثمار فى التعدين السحابى او موقع هاش فلير تحديدا, فهو لا يعتبر نصيحة مالية.
——–
وبكدة يكون الشرح انتهى, لا تترددوا فى كتابة اى إستفسار فى تعليق!
